لاس اینجلس میں کلاسک پورش کاروں کی دلچسپ نمائش

دنیا بھر میں کئی لوگوں کو جدید اور نئے ماڈلز کی گاڑیاں رکھنے اور انہیں چلانے کا شوق ہوتا ہے جبکہ ان کے برعکس کچھ لوگ ایسے بھی ہیں جو پرانی گاڑیاں رکھنے کے اس قدر شوقین ہوتے ہیں کہ کئی دہائیاں گزر جانے کے باوجود بھی ان کی گاڑیاں نئی گاڑیوں سے کم نہیں ہوتیں۔

لاس اینجلس میں بھی ایسے ہی شوقین افراد کے لئے کلاسک پورش گاڑیوں کا میلا سجایا گیا جہاں سینکڑوں پورش گاڑیاں نمائش کیلئے پیش کی گئیں۔

ان گاڑیوں کی چمک دمک دیکھنے جہاں شائقین کی ایک بڑی تعداد نے یہاں کا رخ کیا وہیں مشہور ماڈلز کی پرانی گاڑیاں دیکھنے والوں کی توجہ کا مرکز بن گئیں۔

کلاسک کار شو میں ر کھے گئے ان پرانی کاروں کے ماڈلز کو ان کے مالکان نے نہ صرف نہایت دیکھ بھال سے رکھا تھا بلکہ ہلکی مرمت اور ڈینٹنگ پینٹنگ کے بعد ان کی سج دھج دیکھنے سے تعلق رکھتی تھی۔