رکن قومی اسمبلی ایم کیو ایم سلمان مجاہد بلوچ کی جانب سے لڑکی علینہ کے خلاف درج مقدمہ جھوٹا ثابت ہوگیا۔
گلش اقبال پولیس نے مقدمہ سی کلاس قرار دیتے ہوئے رپورٹ عدالت میں جمع کروانے کے لیے پراسیکیوشن کو بھیج دی ۔پراسیکیوشن جانچ پڑتال کے بعد سی کلاس کی رپورٹ سے متعلقہ عدالت کو آگاہ کرے گی۔
رپورٹ کے مطابق سلمان مجاہد بلوچ ملزمہ علینہ پر لگائے گئے الزامات کے شواہد پیش کرنے میں ناکام رہے جبکہ دوران تحقیقات ملزمہ علینہ کے خلاف شواہد موصول نہیں ہوئے۔
پولیس کا کہنا ہے کہ سلمان مجاہد بلوچ نے مقدمہ درج کرانے کے بعد تفتیش میں تعاون نہیں کیا۔
ایم این اے سلمان مجاہد بلوچ نے ملزمہ کے خلاف قتل کی دھمکی اور جعل سازی دھوکہ دہی کا مقدمہ درج کرایا تھا۔
ایف آئی آرمیں سلمان مجاہد نے الزام عائد کیا کہ ملزمہ والدہ کی بیماری کا جھانسہ دیکر رقم بٹورتی رہی اور رقم کی عدم ادائیگی پر دھمکیاں دیں۔