سابق وزیر اعظم میاں محمد نواز شریف کا کہنا ہے کہ پارلیمنٹ 20 کروڑ عوام کا نمائندہ ادارہ ہےجبکہ اقامے پر نہ جانے اور کون کون سے فیصلے سنائے جائیں گے۔
نواز شریف نے پنجاب ہاؤس میں کارکنوں سے خطاب کرتے ہوئے کہا کہ پارلیمنٹ نے قانون بنایا، آپ کیسے اسے ختم کرسکتے ہیں،پارلیمنٹ کے قانون سے انحراف کرتے ہوئے مجھے نااہل کیا گیااور آپ ڈکٹیٹروں کے ساتھ کھڑے رہے۔
ان کا کہنا تھا کہ مجھے نکالنے والے آئین کی باتیں کر رہے ہیں، اس وقت یہ لوگ کہاں ہوتے ہیں جب ملک میں مارشل لا لگا دیا جاتا ہے، کیا اس وقت یہ لوگ آئین کے ساتھ کھڑے ہوتے ہیں۔
نواز شریف نے کہا کہ یہ وہ لوگ ہیں جو آمریت کے دور میں آئین سے انحراف کر کے ڈکٹیٹر کے ساتھ کھڑے ہوجاتے ہیں۔
انہوں نے کہا کہ ابھی تو میری وزارت عظمیٰ اور پارٹی صدارت سے نااہلی کا فیصلہ سنایا گیا ہے ابھی نہ جانے کون کون سے فیصلے سنائے جائیں گے۔