غیر ملکی دفاعی اتاشیوں کو بھارتی جارحیت پر بریفنگ

چھ ملکوں کے دفاعی اتاشیوں نے لائن آف کنٹرول راولا کوٹ کادورہ کیا اور بھارتی جارحیت سے متاثرہ افراد سے ملاقاتیں کیں۔

پاک فوج کے شعبہ تعلقات عامہ (آئی ایس پی آر) کے مطابق امریکا، برطانیہ، فرانس، چین، ترکی اور انڈونیشیا کے دفاعی اتاشیوں نے لائن آف کنٹرول پر راولا کوٹ سیکٹرز کا دورہ کیا۔

آئی ایس پی آر کے مطابق غیرملکی اتاشیوں بھارتی فوج کی بربریت پر بریفنگ دی گئی اور متاثرین سے ملاقات کرائی گئيں، اس دوران اتاشیوں نے متاثرین سے مشکلات بھی دریافت کیں۔

آئی ایس پی آر کے مطابق مہمانوں کو پاک آرمی کے آزاد کشمیر میں ریلیف کے کام پر بھی بریفنگ دی گئی۔