جنسی اسکینڈل میں ملوث آسٹریلیا کے نائب وزیراعظم بارنابی جوائس نے اپنے عہدےسے استعفٰی دے دیاہے۔
بارنابی جوائس نے اپنی سیاسی جماعت نیشنل پارٹی کی قیادت کو بھی خیرباد کہہ دیا ہے۔ نائب وزیراعظم اپنی پارلیمانی رکنیت سے مستعفی نہیں ہو رہے۔ اس طرح وزیراعظم ٹرن بُل کی حکومت کو پارلیمنٹ میں ایک نشست کی برتری حاصل رہے گی۔
جوائس کو اپنی خاتون میڈیا سیکرٹری کے ساتھ تعلقات کے الزام کا سامنا ہے۔ مستعفی ہونے والے نائب وزیراعظم گزشتہ برس دوہری شہریت کے الزام کا بھی سامنا کر چکے ہیں۔