وزیر ِقانون پنجاب رانا ثناءاللہ کا کہنا ہے کہ احد چیمہ کی گرفتاری پر سول افسروں کو تحفظات ہیں جبکہ عمران خان نے سول افسروں پر جوالزامات لگائے وہ قابلِ مذمت ہیں۔
وزیر قانون پنجاب رانا ثناء اللہ نےترجمان پنجاب حکومت ملک محمداحد خان کےہمراہ90 شاہراہ قائداعظم پرمیڈیا سےگفتگو کی اور کہا کہ عمران خان ہمیشہ ہی جھوٹ بولتے ہیں، انہوں نےسول افسروں پربھی بغیر ثبوت الزامات لگائے۔
رانا ثنا اللہ کا کہنا تھا کہ نیب کا یہ اپنا خوف ہے کہ انہوں نے اپنے دفتر کے باہر رینجرز تعینات کردی،نیب کو چاہیے تھا کہ وہ احد چیمہ کو کرپشن کے ثبوت ملنے پر گرفتار کرتےجبکہ بغیر ثبوت کے گرفتار کرنا غیر قانونی ہے۔