کوئٹہ گلیڈی ایٹرز کی ٹاس جیت کر لاہور قلندرز کو بیٹنگ کی دعوت

پاکستان سپر لیگ ( پی ایس ایل ) تھری کے پانچویں اور آج کھیلے جانے والے دوسرے میچ میں کوئٹہ گلیڈی ایٹرز نے ٹاس جیت کر لاہور قلندرز کو بیٹنگ کی دعوت دی ہے۔

دبئی انٹرنیشنل کرکٹ اسٹیڈیم میں ہونے والے میچ کے لئے کوئٹہ گلیڈی ایٹرز کے کپتان سرفراز احمد اور لاہور قلندرز کے کپتان برینڈن مکلم ٹاس کے لئے میدان میں اترے۔

دونوں ٹیموں ایونٹ میں اپنا دوسرا میچ کھیل رہی ہیں، اپنے پہلے میچ میں کوئٹہ گلیڈی ایٹرز کو کراچی کنگز نے 19رنز سے شکست دی تھی جبکہ لاہور قلندرز  کو ملتان سلطانز نے 43 رنزسے ہرایا تھا۔

آج کے اہم میچ میں سرفراز الیون میں اسد شفیق ، شین واٹسن ،عمر امین ، کیون پیٹرسن ، روسو، محمد نواز، حسن خان ، انور علی، آرچر اور راحت علی شامل ہیں۔

لاہور قلندرز کی طرف سے کپتان برینڈن مکلم ،فخر زمان ، سنیل نارائن، عمر اکمل، سہیل اختر،ڈیل پورٹ،گل ریز، یاسر شاہ،شاہین آفریدی، مستفیض الرحمٰن اور رضا حسن فائنل ٹیم کا حصہ بن گئے ہیں۔