شہباز کی نواز شریف سے ملاقات، پارٹی صدارت پر آگاہ کردیا

وزیراعلیٰ پنجاب محمد شہبازشریف نےجاتی امرا رائیونڈ میں سابق وزیراعظم محمد نوازشریف سے ملاقات کی ہے۔

ذرائع کے مطابق ملاقات کے دوران نواز شریف نے شہباز شریف کو مسلم لیگ ن کی صدارت دیے جانے کے حوالے سے باقاعدہ آگاہ کر دیا ہے۔

ملاقات میں سینیٹ انتخابات اور احتساب عدالت میں جاری کیسز پر بھی تبادلہ خیال کیا گیا ہے۔

ذرائع  نے مزید بتایا کہ ابتدائی طور پر شہباز شریف کو پارٹی کا قائم مقام صدر بنایا جائے گا، جس کی منظوری 27 فروری کو سی ای سی اجلاس میں لی جائے گی۔

ذرائع کا یہ بھی کہنا ہے کہ شہباز شریف کو مسلم لیگ ن کا باقاعدہ صدر بنانے کے لیے پارٹی الیکشن کروائے جائیں گے۔

ملاقات کے دوران ملکی سیاسی صورتحال، سینیٹ انتخابات اور مسلم لیگ ن کے آئندہ کے لائحہ عمل پر تبادلہ خیال کیا گیا۔