پنجاب محمد شہباز شریف کا کہنا ہے کہ جھوٹ کی سیاست کرنے والوں کی پرواہ کیے بغیر وہ آگے بڑھتے رہیں گے۔
لاہور سےجاری بیان میں وزیر اعلیٰ پنجاب نے کہا کہ عوام صرف ترقی اور خوشحالی چاہتے ہیں، انہیں گمراہ کرنے کی کوئی سازش کامیاب نہیں ہوگی اور ترقی کے سفر میں رکاوٹ ڈالنے والوں سے عوام خود حساب لیں گے
ان کا کہنا تھا کہ نیازی صاحب جھوٹوں کے کپتان بن چکےہیں،انہوں نے سیاست میں گالم گلوچ کا کلچر پروان چڑھایا، اپنے صوبے میں بدترین کارکردگی دکھانے والے صرف جھوٹ کی سیاست کر رہے ہیں۔
انہوں نے مزید کہا کہ عوام کو نعروں، کھوکھلے دعوؤں اور منفی سیاست سے کوئی سروکار نہیں، باشعورعوام انتشار پر مبنی سیاست سے تنگ آچکے ہیں جبکہ منفی سیاست کرنے والوں کو پہلے بھی پشیمانی کے سوا کچھ نہیں ملا اور اب بھی ان کے پلڑے میں ہزیمت ہی آئے گی۔