سیول میں شمالی کوریا ئی وفد کے سربراہ کے خلاف احتجاجی ریلی

جنوبی کوریا میں شمالی کوریا کے وفد کی قیادت کرنے والے ملٹری انٹیلی جنس کے سربراہ کے خلاف احتجاجی ریلی نکالی گئی،شمالی کوریا کا وفد سرمائی اولمپکس کی اختتامی تقریب میں شرکت کیلئے وہاں پہنچا ہے۔

امریکی صدر کی بیٹی ایوانکا ٹرمپ بھی سرمائی اولمپکس کی اختتامی تقریب میں شرکت کیلئے جنوبی کوریا میں موجود ہیں۔سیئول میںاپوزیشن جماعتوں کی احتجاجی ریلی میں جنوبی کوریا کے ارکان پارلیمنٹ اور سرگرم کارکنوں نے شرکت کی اور شمالی کوریا کے انٹیلی جنس سربراہ کم یونگ چول کے خلاف دھرنا دیا۔

مظاہرین نے کم یونگ چول کی جنوبی کوریا آمد پر جنوبی کوریا ئی صدر کو بھی تنقیدکا نشانہ بنایا،شمالی کوریا کے انٹیلی جنس سربراہ پر 2010 میں جنوبی کوریا کے جنگی جہاز پر حملے کا الزام ہے ،جس میں 46 افراد ہلاک ہوگئے تھے۔

امریکی صدر کی بیٹی ایوانکا ٹرمپ سرمائی اولمپکس میں امریکی وفد کی نمائندگی کررہی ہیں۔