کراچی کے 10 سے زائد مقامات پر پولیو وائرس کی تشخیص

01 جون ، 2019

کراچی کے 10 سے زائد مقامات کے ماحولیاتی نمونوں میں پولیو وائرس سامنے آیا ہے۔

دستاویز کے مطابق کراچی کے جن علاقوں کے ماحولیاتی نمونوں میں پولیو وائرس کی تشخیص ہوئی ہے ان میں صدر، گڈاپ، گلشن اقبال، کورنگی، لانڈھی، بلدیہ، لیاقت آباد، سائٹ، اورنگی ٹاؤن اور دیگر علاقے شامل ہیں۔

دستاویز میں کہا گیا ہے کہ تاریخ میں پہلی بار اتنے بڑے پیمانے پر ماحولیاتی نمونوں میں وائرس کی نشاندہی ہوئی ہے، جبکہ شہر میں رواں سال 2 پولیو کے کیسز پہلے ہی سامنے آچکے ہیں۔

دستاویز میں بتایا گیا ہے کہ 2 ماہ میں گڈاپ کے مختلف مقامات سے 6، گلشن اقبال سے سیوریج کے 4 ماحولیاتی نمونوں میں وائرس سامنے آیا ہے۔

صدر، لانڈھی اور اورنگی ٹاؤن کے دو، دو مقامات سے پولیو وائرس کی نشاندہی ہوئی ہے، بلدیہ ٹاؤن، کورنگی، لیاقت آباد اور سائٹ کے علاقے کے نمونوں میں بھی پولیو وائرس سامنے آیا ہے۔

دستاویز میں مزید کہا گیا ہے کہ تمام مقامات پر وائلڈ پولیو وائرس ٹائپ 1 سامنے آیا ہے، پاکستان میں وائلڈ پولیو وائرس ٹائپ 1 ہی بچوں کی زندگیوں کو متاثر کر رہا ہے۔

تازہ ترین