وائٹ ہاؤس کا عمران خان کے دورہ امریکا پر بیان جاری

امریکی صدراتی محل وائٹ ہاؤس نے وزیراعظم عمران خان کے دورہ امریکا پر بیان جاری کردیا۔

ترجمان وائٹ ہاؤس نے ایک بیان میں کہا کہ صدر ٹرمپ 22جولائی کو وزیراعظم عمران خان کے وائٹ ہاؤس آنے پر خیر مقدم کریں گے۔

’امریکا میں ہوٹل کے بجائے سفارتخانے میں رہوں گا‘

وزیراعظم عمران خان نے کہا ہے کہ امریکا جارہا...

ترجمان کے مطابق وزیراعظم عمران خان کے دورے میں پاک امریکا تعاون کی مزید مضبوطی توجہ کا مرکز ہوگا۔

انہوں نے مزید کہا کہ صدر ٹرمپ اور وزیراعظم عمران خان کے درمیان انسداد دہشت گردی، دفاع،توانائی اور تجارت پر بات ہوگی۔

ترجمان وائٹ ہائوس کے مطابق دونوں سربراہان مملکت کی بات چیت کا مقصد جنوبی ایشیا میں امن اور پاک امریکا دیرپا شراکت داری کا ماحول پیدا کرنا ہے۔

کراچی میں میڈیا سے گفتگو میں وزیراعظم عمران خان نے کہا تھا کہ وہ امریکا جارہے ہیں، جہاں وہ ہوٹل کے بجائے پاکستانی سفارت خانے میں قیام کریں گے۔