کراچی: شارع فیصل پر رانگ سائیڈ کار دوڑانے والا نوجوان گرفتار

کراچی کی مصروف ترین شارع فیصل پر رانگ سائیڈ کار دوڑانے والے نوجوان کو ٹریفک پولیس نے گرفتارکرلیا، نواجوان کےخلاف تھانہ صدر میں مقدمہ درج کرلیا گیا۔

کراچی کی شارع فیصل پر نوجوان کار سوار دوسروں کے لیے خطرہ بن گیا، کار سوار تیز رفتاری سے رانگ سائیڈ پر گاڑی چلاتا رہا۔

 ویڈیو سوشل میڈیا پر وائرل ہونے کے بعد ٹریفک پولیس نے گاڑی کے نمبر سے نواجون کو تلاش کرکے گرفتار کرلیا۔

نوجوان کے خلاف صدر تھانے میں مقدمہ درج کرلیا گیا۔