-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
مصر میں دریائے نیل کے مغربی کنارے سے لگ بھگ چار ہزار برس قدیم 20 لکڑیوں کے تابوت دریافت ہوئے ہیں۔
مصر کی حکومت نے ان تابوتوں کی دریافت کو مصری آثار قدیمہ کے حوالے سے ایک اہم دریافت قرار دیا ہے۔
واضح رہے کہ حالیہ برسوں میں یہ سب سے بڑی اور اہم آرکیالوجیکل دریافت ہے۔ تابوت اساسیف نامی علاقے سے دریافت ہوئے ہیں جو دریائے نیل کے مغرب میں واقع آثارقدیمہ پر مشتمل قبرستان ہے۔
منگل کو مصری وزارت قدیم نوادرات نے محفوظ اور سربمہر تابوت کی تصاویر ٹوئٹ کی ہیں، پتھر کے یہ تابوت ایک بڑے مقبرے میں موجود تھے، جبکہ ان کے چہروں اور ہاتھوں پر بنایا گیا نقش ونگار اور رنگ جو کہ سرخ، سبز، سفید اور سیاہ ہیں اب بھی اپنی اصل حالت میں موجود ہیں، جوکہ صدیاں گزرجانے کے بعد بھی ماند نہیں پڑیں۔
گوکہ مصری حکام نے ان تابوتوں کے بارے میں یہ تو نہیں بتایا کہ یہ کس عہد کے ہیں لیکن جس جگہ سے یہ دریافت ہوئے ہیں وہ قدیم مصری شہر تھیبس کا حصہ ہے۔
تھیبس قدیم مصر کا شاہی دارالحکومت ہوا کرتا تھا، ابتدائی نشانیوں سے اندازہ لگایا جارہا ہے کہ یہ گیارہویں بادشاہوں کے عہد کا ہے جو کہ 2081سے لیکر 1939قبل مسیح میں گزرے ہیں۔
