مشیر تجارت سے نیدرلینڈ کے اعلیٰ حکام کی ملاقات

مشیر تجارت عبدالرزاق داؤد سے نیدر لینڈ کی وزارت خارجہ کے حکام نے ملاقات کی ہے۔

اسلام آباد میں ہونے والی ملاقات میں نیدر لینڈ کی وزارت خارجہ کی انسانی حقوق کی سفیر اور پاکستان میں تعینات ڈچ سفیر کے ہمراہ وفد موجود تھا۔

اس موقع پر مشیر تجارت کے ہمراہ سیکریٹری تجارت اور وزارت تجارت کے اعلیٰ حکام بھی موجود تھے ۔

پاکستانی اور نیدرلینڈ کے وفود کی ملاقات میں دو طرفہ تجارت اور سرمایہ کاری کے امور پر بات چیت کی گئی ۔

اس موقع پر دونوں ممالک کے درمیان تجارتی تعلقات کو مزید بڑھانے اور یورپی یونین جی ایس پی پلس پر بھی تبادلہ خیال کیا گیا ۔