• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیوزی لینڈ کی خاتون بولر کا میڈن اسپیل اور ڈبل ہیٹرک

تازہ ترین
کھیلوں کی خبریں
07 نومبر ، 2019
نیوزی لینڈ خاتون بولر کی ڈبل ہیٹرک

نیوزی لینڈ کی بولر روزمیری مائر نے کرکٹ کی تاریخ کے بہترین اسپیل میں سے ایک اسپیل کروادیا۔

روزمیری مائر نے یہ کارنامہ نیوزی لینڈ کے ڈومیسٹک ٹورنامنٹ شرمپٹن ٹرافی کے دوران ہاکس بے کی جانب سے کھیلتے ہوئے ٹرانکئی کے خلاف انجام دیا۔ 

انہوں نے اپنے 4 اوور میں بغیر کوئی رن دیے 4 وکٹیں حاصل کیں جو ڈبل ہیٹرک تھی۔ 

خیال رہے کہ کرکٹ کی اصطلاح میں ڈبل ہیٹرک 4 مسلسل گیندوں پر 4 وکٹیں لینے کو کہتے ہیں۔ 

ٹورنامنٹ کے اس 40 اوور کے میچ میں ہاکس بے نے پہلے بیٹنگ کرتے ہوئے 264 رنز بنائے جبکہ مائر نے ٹیم کی طرف سے برق رفتار 16 گیندوں پر 33 رنز بھی بنائے۔ 

ہاکس بے حریف ٹیم کی ایک نہ چلنے دی اور ٹرانکئی کو 56 رنز پر آل آؤٹ کردیا۔ 

نیوزی لینڈ کی 21 سالہ کرکٹر نے اپنا بین الاقوامی ڈیبیو بھارت کے خلاف رواں برس فروری میں کیا تھا۔ 

وہ نیوزی لینڈ کی ڈومیسٹک کرکٹ میں سینٹرل ڈسٹرکٹ کی جانب سے کھیلتی ہیں۔


تازہ ترین