لتا منگیشکر کی حالت تشویشناک

بھارت کی لیجنڈری گلوکارہ لتا منگیشکر کو سانس لینے میں دشواری کے باعث اسپتال منتقل کردیا گیا جہاں اُنہیں انتہائی نگہداشت کے یونٹ(آئی سی یو) میں رکھا گیا ہے۔

ممبئی کے بریچ کینڈی اسپتال ذرائع کا کہنا ہے کہ 90 سالہ بھارتی گلوکارہ کی حالت تشویشناک ہے۔

بھارتی اخبار کی رپوٹ کے مطابق اسپتال ذرائع کا کہنا ہے کہ لتا منگیشکر کو تشویشناک حالت میں صبح دو بجے اسپتال لایا گیا، جہاں اُنہیں آئی سی یو میں رکھا گیا ہے۔

بھارتی اخبار ’دی ہندو‘ نے ذرائع کے حوالے سے بتایا ہے کہ معروف گلوکارہ وینٹی لیٹر پر ہیں۔

لتامنگیشکر نے بھارتی فلموں کے لیے ہزاروں گانے گائے، گلوکاری کے شعبے میں اعلیٰ خدمات پر اُنہیں2001ء میں بھارت کے سب سے بڑے سول ایوارڈ’ بھارت رتنا‘سے بھی نواز گیا۔