کیا خیبرپختونخوا کے وزیر اعلیٰ کیخلاف سرگرم گروپ ٹوٹ گیا؟

تحریک انصاف کی پارلیمانی پارٹی کے اجلاس اور وزیراعلی محمود خان کے عشائیہ میں عاطف خان گروپ کے ایم پی ایز نے شرکت کی۔

ذرائع کے مطابق وزیر اعلیٰ محمود خان نے عاطف خان گروپ کے ایم پی ایز کا گرم جوشی سے استقبال کیا، کوئی پوچھ گچھ نہیں کی۔

وزیراعلیٰ خیبر پختونخوا محمود خان نے برطرف کیے گئے تینوں وزرا کو عشائیے میں نہ بلانے کا فیصلہ کیا تھا۔ پاکستان تحریک انصاف کی پارلیمانی پارٹی کا عشائیہ وزیر اعلیٰ ہاؤس میں گزشتہ روز پشاور میں ہوا۔

واضح رہے کہ پی ٹی آئی کی پارلیمانی پارٹی کے عشائیے میں نہ بلائے گئے تینوں وزراء اس وقت صوبائی اسمبلی کے رکن اور حکمران جماعت کا حصہ ہیں۔ خیبرپختونخوا کے گورنر نے سینئر وزیر عاطف خان، وزیر صحت شہرام ترکئی اور وزیر ریونیو شکیل احمد کی برطرفی کا نوٹیفکیشن جاری کیا تھا۔