کرکٹر عاقب جاوید نے پاکستان کرکٹ ٹیم کے کوچ کیلئے درخواست دینے سے انکار کردیا ہے۔عاقب جاوید کا کہنا ہے کہ کوچ کے انتخاب کے لیے بنائی گئی پی سی بی کی کمیٹی پر اعتماد نہیں۔
ان کا اس حوالے سے مزید کہنا ہے کہ کوچ کا انتخاب کرنے والی کمیٹی پہلے ہی غیر ملکی کوچ کے حق میں ہے،غیر ملکی کوچ کو تو پاکستان کے ڈومیسٹک کھلاڑیوں کا پتا ہی نہیں ہوتا،وہ تو چار، پانچ سینئر کھلاڑیوں کو ہاتھ میں لے کنٹرول کرنے کی کوشش کرتے ہیں۔
عاقب جاوید نے کہا کہ کوچ کے لیے درخواست دے کر کسی کو بے عزتی کرنے کی اجازت نہیں دے سکتا، تاہم بورڈ نے کوچنگ کے لیے مرضی معلوم کی تھی اس لیے پاکستان ٹیم کی کوچنگ کے لیے تیار ہوں۔