مظفرگڑھ میں گزشتہ روز شوہر کی دوسری شادی کی دھمکی پر خود کو آگ لگا کر خودسوزی کی کوشش کرنے والی خاتون نشتر اسپتال ملتان میں دم توڑ گئی۔
تحصیل جتوئی کے علاقے بیٹ میرہزار میں گزشتہ روزخود پرپیٹرول چھڑک کر آگ لگانے والی شاہین بی بی نشتر اسپتال ملتان میں دم توڑ گئی،خاتون اپنے شوہر کریم بخش کی دوسری شادی کی دھمکیوں سے دلبرداشتہ تھی۔
شاہین بی بی کو گزشتہ روز تشویشناک حالت میں نشتر اسپتال ملتان کے برن یونٹ میں منتقل کیا گیا تھا۔
پولیس تھانہ بیٹ میرہزار نے مرنے والی خاتون کی بہن کی مدعیت میں شوہر اور سسر کیخلاف مقدمہ درج کرلیا ہے مگر اب تک کسی کی گرفتاری عمل میں نہیں آسکی۔