پاک افغان بارڈر طورخم پر این ایل سی اہلکاروں اور افغان فورسز کے درمیان تلخ کلامی پر پاک افغان بارڈر آج دوسرے دن بھی بندہے۔
سیکورٹی ذرائع کے مطابق گزشتہ روز پاک افغان سرحد طورخم پر نیشنل لاجسٹک سیل کے اہلکار خاردار تار لگارہے تھےکہ افغان بارڈر پولیس نے این ایل سی اہلکاروں کو خاردار تارلگانے سے منع کیا ۔
جس پر این ایل سی اور افغان بارڈر پولیس کے درمیان تلخ کلامی ہوئی جس کے بعد افغان فورسز نے پاک افغان سرحد طورخم بارڈر کو ہر قسم کی آمد ورفت کے لئے بند کردیا۔