بالی ووڈ کی دبنگ گرل سوناکشی سنہا صرف ایک اچھی اداکارہ ہی نہیں بلکہ مصوری کرنے کے فن سے بھی خوب مالا مال ہیں۔
بھارتی میڈیارپورٹس کے مطابق حال ہی میں انہوں نے اپنی تیار کردہ خوبصورت پینٹنگز کی نیلامی کی ہے جس سے حاصل ہونے والی رقم وہ کینسر کے مریضوں کے لئے وقف کریں گی۔
اپنے فن پاروں کی نیلامی کی اس تقریب کے موقع پر سوناکشی نے کہا کہ وہ ان مصوری کے شاہکاروں سے حاصل کردہ رقم سے چھاتی کے کینسرمیں مبتلا مریضوں کی مدد کرنا چاہتی ہیں جس کے لئے اچھی خاصی رقم بھی جمع ہو گئی ہے۔