علی حیدر گیلانی کو پکتیکا سے بازیاب کرایا گیا، نیٹو

سابق وزیر اعظم یوسف رضا گیلانی کے صاحبزادے علی حیدر گیلانی کی رہائی کے حوالے سے نیٹو کا بیان سامنے آیا ہے کہ انہیں افغانستان کے مشرقی صوبے پکتیکا سے بازیاب کرایا گیا ہے۔

نیٹو کی جانب سے کہا گیا ہے کہ انہیں امریکی اسپیشل آپریشنل فورسز اورافغان کمانڈوز نے بازیاب کرایا ہے، اس پہلے افغان صوبے غزنی سے علی حیدر گیلانی کی بازیابی کی اطلاعات سامنے آئی تھیں۔