کراچی مسائل کی آماج گاہ بنا ہوا ہے، وسیم اختر

کراچی کے نامزد مئیر وسیم اخترکا کہناہے کہ شہر مسائل کی آماجگاہ بنا ہوا ہے لیکن سندھ حکومت انہیں حل کرنے میں سنجیدہ نہیں۔

وسیم اختر نے سوک سینٹر کا دورہ کیا اور ایڈمنسٹریٹر کراچی لئیق احمد سے ملاقات کی، اس موقع پر وسیم اختر نے میڈیا سے گفتگو میں کہا کہ کراچی مسائل کی آماجگاہ بنا ہوا ہے اورمسائل کے حل کے لیے حکومت سنجیدہ نہیں۔

انہوں نے مزید کہا کہ صوبائی حکومت بلدیاتی اداروں کو سینٹرلائزڈ کرنے کی کوشش کر رہی ہے، بلدیاتی اداروں کا سینٹرلائزڈ ہونا جمہوریت کی نفی ہے، ایک سال قبل کے فورمنصوبے کا سنگ بنیاد رکھا گیا لیکن کام شروع نہ کیا گیا۔