ٹوئنکل کھنہ نے آریان خان کی گرفتاری کے معاملے کا موازنہ ’اسکویڈ گیم‘ سے کردیا

معروف بالی ووڈ اداکارہ ٹوئنکل کھنہ نے شاہ رخ خان کے بیٹے آریان خان کی کروز شپ منشیات کیس میں گرفتاری کے معاملے کا موازنہ نیٹ فلکس کی مشہور کورین سیریز ’اسکویڈ گیم‘ سے کردیا ہے۔

ٹوئنکل کھنہ نے فوٹو اینڈ ویڈیو شیئرنگ ایپ انسٹاگرام پر اپنی بلاگ پوسٹ کا ایک حصّہ شیئر کرتے ہوئے آریان خان کی گرفتاری کے معاملے پر اپنی رائے کا اظہار کیا ہے۔

انہوں نے اپنی پوسٹ کے کیپشن میں لکھا کہ ’انڈیا میں ’اسکویڈ گیم‘ کا  ورژن دکھایا جارہا ہے۔ 

بالی ووڈ اداکارہ نے مزید لکھا کہ ’جہاں تک انہیں یاد ہے جب کسی بھیڑ سے کسی شخص کو اٹھایا جاتا ہے تو بابا رام دیو یا ہمارے دہلی کے وزیراعلیٰ جیسی نمایاں عوامی شخصیات پر شدید تنقید کی جاتی ہے۔‘

آریان خان کی درخواستِِ ضمانت پر سماعت: شاہ رخ خان کے مداح ’منت‘ کے باہر جمع

ممبئی کروز شِپ منشیات کیس میں آریان خان کی درخواستِِ ضمانت کی سماعت سے قبل بالی ووڈ کنگ شاہ رخ خان کے مداح اُن کی رہائش گاہ ’منت‘ کے باہر جمع ہوگئے۔

واضح رہے کہ آج ممبئی کی ایک خصوصی عدالت آریان خان کی ضمانت کی درخواست پر سماعت کرے گی جبکہ عدالت نے گزشتہ ہفتے اپنا فیصلہ محفوظ کیا تھا۔

بھارت کے انسداد منشیات ادارے نارکوٹکس کنٹرول بیورو (این سی بی) نے ممبئی کے ساحل پر 3 اکتوبر کو ایک کروز شپ پر پارٹی کے دوران چھاپہ مار کر شاہ رخ خان کے بیٹے آریان خان کو گرفتار کیا تھا۔

بالی ووڈ کو ہائی پروفائل ہونے کی قیمت ادا کرنا پڑے گی: جاوید اختر

بھارت کے معروف کہانی کار، شاعر ، نغمہ نگار اور سیاسی کارکن جاوید اختر نے آریان خان منشیات کیس پر ردّعمل دیتے ہوئے کہا ہے کہ بالی ووڈ کو ہائی پروفائل ہونے کی قیمت ادا کرنا پڑے گی۔

شاہ رخ خان کے بیٹے آریان خان اپنے اوپر لگائے جانے والے الزامات کی پہلے تردید کرتے رہے تاہم انہوں نے بعد میں اعتراف جرم کرلیا تھا۔