افغانستان: کابل میں دو دھماکے، 19 افراد ہلاک، 50 زخمی

02 نومبر ، 2021

افغانستان کے دارالحکومت کابل میں دو دھماکے ہوئے ہیں، جس کے نتیجے میں 19 افراد ہلاک اور 50 زخمی ہوگئے۔ دھماکے سردار داؤد خان ملٹری اسپتال کے قریب ہوئے۔

ترجمان افغان وزارت داخلہ کا کہنا ہے کہ ایک دھماکا سردار محمد داؤد خان اسپتال کے داخلی دروازے پر ہوا۔

افغانستان: کابل میں دو دھماکے، 19 افراد ہلاک، 50 زخمی

اسپیشل فورسز جائے وقوعہ پر پہنچ گئی ہیں، جب کہ افغان سرکاری میڈیا کا کہنا ہے کہ سردار محمد داؤد خان اسپتال کے دروازے کے قریب دھماکے کے بعد داعش کے متعدد جنگجو اسپتال میں داخل ہوئے اور اسلامی فورسز کے ساتھ ان کی جھڑپ ہوئی۔

اس موقع پر ایک خودکش حملہ آور نے خود کو سردار داؤد خان اسپتال کے دروازے پر دھماکے سے اڑالیا۔ سردار محمد داؤد خان اسپتال 400 بستروں پر مشتمل افغانستان کا بڑا فوجی اسپتال ہے۔

اس سےقبل اس اسپتال کو 2011 اور 2017 میں بھی نشانہ بنایا جاچکا ہے۔

تازہ ترین