فرمان الہی
نماز کے اوقات
کراچی (اسٹاف رپورٹر) شیخ زاید اسٹیڈیم ابوظبی میں پاکستان کرکٹ ٹیم نمیبیا کی کارکردگی سے متاثر ہوئی اوران کی حوصلہ افزائی کیلئے ان کے ڈریسنگ روم پہنچ گئی ۔پاکستانی کرکٹرز کو اپنے درمیان دیکھ کر نمیبیا کے کھلاڑی ٖخوشگوار حیرت میں مبتلا ہوگئے ۔ منیجر منصور رانا اورکھلاڑیوں نے انہیںاچھی کارکردگی پر مبارکباد دی۔ پاکستان کرکٹ بورڈ کے ٹویٹر اکاؤنٹ پر ایک ویڈیو پوسٹ کی گئی جس میں دیکھا جاسکتا ہے کہ فتح کی خوشی منانے کے بعد پاکستانی شاہینوں نے نمیبیا کرکٹ ٹیم کے ڈریسنگ روم کا رخ کیا۔ اس موقع پر لاہور قلندرز کے کھلاڑی شاہین آفریدی اور حارث رئوف، ڈیوڈ ویزے سے ہنسی مذاق کرتے رہے۔ نمیبیا کے اسسٹنٹ کوچ ایلبی مورکل نے بھی اس کی ویڈیو شیئر کی اور پاکستانی ٹیم کی اس محبت اور جذبے پر شکریہ ادا کیا۔ انہوں نے اپنی ٹوئٹ میں لکھا کہ نمیبیا نے پاکستان کے خلاف کھیل کر بہت انجوائے کیا۔
