فرمان الہی
نماز کے اوقات
کراچی (اسٹاف رپورٹر) ٹی ٹوئنٹی ورلڈ کپ سپر12مرحلےکے دوران ہی بھارتی کرکٹ بورڈ نے روی شاستری کے متبادل ہیڈ کوچ کا اعلان کردیا۔ سابق کپتان اور ماضی کے عظیم بیٹسمین راہول ڈریوڈ کو نیا ہیڈ کوچ مقرر کیا گیا ہے۔ وہ ورلڈ کپ کے بعد روی شاستری کی جگہ ذمہ داریاں سنبھال لیں گے۔ راہول ڈریوڈ کا کوچ کی حیثیت سے پہلا اسائنمنٹ نیوزی لینڈ کیخلاف سیریز ہوگی۔ میڈیا ریلیز کے مطابق اکتوبر میں بھارتی بورڈ نے نئے ہیڈ کوچ کے لئے درخواستیں مانگی تھیں۔ روی شاستری کے عہدے کی معیاد ورلڈ کپ کے بعد ختم ہورہی ہے۔ بی سی سی آئی نے عہدے کی معیاد کامیابی سے ختم ہونے پر روی شاستری اور دیگر کوچز کو مبارک باد دی ہے۔ سیکریٹری جے شاہ کا کہنا ہے کہ اس عہدے کے لئے ڈریوڈ سے مناسب کوئی اور امیدوار نہیں تھا۔ڈریوڈ نے تقرری کو اعزاز قرار دیا ہے۔
