کراچی: گھر گرانے کا صدمہ، بیوی کا انتقال، شوہر کو بھی دل کا دورہ

گھر گرائے جانے کے صدمے سے گجرنالہ کی رہائشی خاتون کو دل کا دورہ پڑا جو جان لیوا ثابت ہوا، جس کے باعث وہ انتقال کر گئیں، بیوی کے انتقال پر شوہر کو بھی دل کا دورہ پڑ گیا۔

اورنگی اور گجر نالہ پر تجاوزات کے خلاف آپریشن جاری

کراچی (اسٹاف رپورٹر)اورنگی اور گجر نالہ پر تجاوزات...

متوفیہ کے اہلِ خانہ کے مطابق گجر نالہ بلاک ایف نارتھ ناظم آباد کی رہائشی خاتون کو گھر گرانے کے صدمے سے دل کا دورہ پڑا، جس سے وہ جانبر نہ ہو سکیں اور انتقال کر گئیں۔

متوفیہ کے اہلِ خانہ کا یہ بھی کہنا ہے کہ گھر گرائے جانے کے بعد بیوی کے انتقال کر جانے کا صدمہ ان کے شوہر بھی برداشت نہ کر سکے اور انہیں بھی دل کا دورہ پڑا ہے۔

اورنگی،گجر نالہ سے تجاوزات ہٹانے پر حکم امتناع ختم، تحریری فیصلہ جاری

سپریم کورٹ کراچی رجسٹری نے اورنگی اور گجر نالہ سے تجاوزات ہٹانے پر حکم امتناع ختم کر دیا۔

خاتون کے شوہر کو اسپتال منتقل کیا گیا ہے جہاں انہیں طبی امداد دی جا رہی ہے۔