وزیراعظم عمران خان سے افغان وزیر خارجہ کی ملاقات

وزیراعظم عمران خان سے افغان وزیر خارجہ امیر خان متقی نے ملاقات کی ہے۔

ملاقات کے اعلامیے کے مطابق وزیراعظم نے دوران گفتگو افغانستان کے منجمد اثاثوں کی فوری بحالی پر زور دیا ہے۔

اعلامیے کے مطابق وزیراعظم نے اس موقع پر کہا کہ وہ افغان عوام کی امداد جاری رکھنے کے لیے پرعزم ہیں۔

پاکستان کی کئی شعبوں میں افغانستان کو مدد کی پیشکش

پاکستان نے کئی شعبوں میں افغانستان کو تکنیکی مدد کی پیشکش کردی ہے۔

اعلامیے کے مطابق وزیراعظم نے پاکستان اور خطے کے لیے پرامن، مستحکم اورخودمختار افغانستان کی ضرورت پر زور دیا۔

عمران خان نے امیر خان متقی سے کہا کہ سیکیورٹی اور دہشت گردی کے خاتمے کے اقدامات افغانستان کے استحکام کو تقویت دیں گے۔

وزیراعظم سے ٹرائیکا پلس کے خصوصی نمائندوں کی ملاقات

وزیراعظم عمران خان سے افغانستان کی صورتحال پر ٹرائیکا پلس کے خصوصی نمائندوں نے ملاقات کی ہے ۔

انہوں نے کہا کہ امید ہے افغان عبوری حکومت بین الاقوامی برادری سے تعمیری رابطےجاری رکھے گی۔

وزیراعظم نے مزید کہا کہ امید ہے افغان عبوری حکومت موجودہ مشکلات سے نمٹنے کے لیے مثبت اقدامات کرے گی۔

اُن کا کہنا تھا کہ پاکستان افغان بھائیوں کی بھارت سے گندم کی نقل و حمل کی درخواست پر غور کرے گا۔