سعد رضوی کی نظر بندی کے معاملے میں پیشرفت

تحریک لبیک پاکستان (ٹی ایل پی) کے سربراہ سعد رضوی کی نظر بندی کے معاملے میں پیشرفت سامنے آئی ہے۔

ذرائع محکمہ داخلہ پنجاب کا کہنا ہے کہ تحریک لبیک کے سربراہ سعد رضوی کی نظر بندی کے معاملے پر پنجاب حکومت نے فیڈرل ریویو بورڈ سے نظر بندی میں توسیع کا ریفرنس واپس لینے کا فیصلہ کیا ہے۔

سعد رضوی کیخلاف مقدمات کو قانونی طریقے سے دیکھا جارہا ہے، محکمہ داخلہ پنجاب

محکمہ داخلہ پنجاب کے مطابق پہلے مرحلے میں وہ مقدمات واپس لئے جائیں گے جن کی سزا 3 سال یا اس سے کم ہے۔

ذرائع محکمہ داخلہ پنجاب کا کہنا ہے کہ پنجاب حکومت نے ریفرنس واپس لینے کے لیے ایف آر بی کو درخواست بھجوا دی ہے۔

اس سے قبل پنجاب حکومت نے سعد رضوی اور ان کے کارکنوں کے خلاف مقدمات بھی واپس لینے کا فیصلہ کیا تھا۔