دھانی کی باؤلنگ دیکھ کر بہت مزہ آیا: محمد حفیظ

قومی کرکٹ ٹیم کے سینئر کھلاڑی محمد حفیظ نے بھی نوجوان فاسٹ بولر شاہنواز دھانی کی باؤلنگ کی تعریف کردی۔

 مائیکرو بلاگنگ سائٹ ٹوئٹر پر جاری کیے گئے پیغام میں محمد حفیظ نے کہا کہ ’دھانی، دھانی، دھانی! آپ چھاگئے، شاباش نوجوان لڑکے۔‘

محمد حفیظ نے کہا کہ ’جارحیت اور رفتار کے ساتھ آپ کو باؤلنگ کرتے دیکھ کر مزہ آیا۔‘

اُنہوں نے مزید کہا کہ ’ہم اعلیٰ ترین سطح پر آپ کی شاندار باؤلنگ دیکھتے رہیں گے اور آپ ہم سب کو محظوظ کرتے رہیں۔‘

دوسری جانب شاہنواز دھانی نے محمد حفیظ کے ٹوئٹ پر ردّعمل دیتے ہوئے اُن کا شکریہ ادا کیا۔

شاہنواز دھانی نے کہا کہ ’آپ کے تعریفی کلمات میرے لیے بہت اہمیت کے حامل ہیں۔‘

واضح رہے کہ پاکستان نے ویسٹ انڈیز کو تیسرے ٹی ٹوئنٹی میچ میں بھی شکست دے کر تین میچوں کی سیریز میں کلین سوئپ کردیا۔

پاک ویسٹ انڈیز T20 سیریز: آصف، حسنین نے 13 سال پرانی یاد دلا دی

پاکستان اور ویسٹ انڈیز ٹی ٹوئنٹی سیریز کے آخری میچ سعید اجمل کے 13 سال پُرانے مزاحیہ کیچ ڈراپ کی یاد تازہ ہوگئی۔

آخری ٹی ٹوئنٹی میچ میں پاکستان کی جانب سے محمد وسیم جونیئر 2 اور شاہنواز دھانی ایک وکٹ لے کر نمایاں رہے جبکہ دیگر کسی بولر نے خاطر خواہ کارکردگی نہیں دکھائی۔