اریبہ حبیب نے اپنی شادی کی تاریخ کا اعلان کردیا

پاکستانی معروف اداکارہ اریبہ حبیب نے بھی پیا گھر جانے کی تیاری کر لی ہے۔

اریبہ حبیب کی جانب سے گزشتہ شب اپنی شادی کا کارڈ سوشل میڈیا اکاؤنٹ انسٹا گرام پر شیئر کیا گیا ہے جس کے کیپشن میں انہوں نے اپنی زندگی کے نئے سفر کے آغاز کے لیے ’بِسمِ اللّٰہ،‘ بھی لکھی۔

اریبہ حبیب کی جانب سے شیئر کیے گئے شادی کے کارڈ کے ساتھ خوبصور ت موم بتیاں اور مٹھائیوں کے ڈبے بھی رکھے ہوئے ہیں۔

اریبہ حبیب کے مطابق اُن کی شادی نئے سال کے آغاز پر،  پہلے مہینے جنوری کی دوسری تاریخ کو ہے۔

منال خان کی کونسی رسم اریبہ حبیب کو بھاگئی؟

پاکستان کی خوبرو، معروف اداکارہ اریبہ حبیب کے بھی اداکارہ منال خان کی شادی کی رسمیں دیکھ کر شادی کے ارمان جاگ گئے ہیں۔

اریبہ حبیب کی یہ پوسٹ دیکھ کر اُن کے مداح بے حد خوش نظر آ رہے ہیں۔

گزشتہ شب ہی شیئر کی گئی اریبہ حبیب کی اس پوسٹ پر ہزاروں لائیکس اور سیکڑوں تہنیتی اور دعائیہ کمنٹس آ چکے ہیں۔