صبا قمر کی نئی فلم ’گھبرانا نہیں ہے‘ کا پہلا ٹیزر سامنے آگیا

جیو فلمز کے بینر تلے بننے والی نئی  پاکستانی فلم ’گھبرانا نہیں ہے‘ کا پہلا ٹیزر سامنے آگیا۔

ٹیزر میں فلم میں مرکزی کردار ادا کرنے والی صبا قمر، زاہد احمد ، سید جبران اور نیر اعجاز کو دکھایا گیا ہے۔

اس فلم کے ڈائریکٹر ثاقب خان  ہیں، وہ ’گھبرانا نہیں ہے‘ کے ساتھ اپنا ڈائریکٹوریل ڈیبیو کررہے ہیں۔

جب صبا قمر نے عرفان خان سے عیدی لی

پاکستان کی نامور اداکارہ صبا قمر نے حال ہی میں...

’گھبرانا نہیں ہے‘ کو نیوپلیکس سینما کے مالک، صنعت کار جبران بیگ نے پروڈیوسر حسن ضیا کے ساتھ پروڈیوس کیا ہے۔

فلم کے 48 سیکنڈ کے ٹیزر میں مرکزی کرداروں کے ساتھ ساتھ معروف یوٹیوبر جنید اکرم اور جیو نیوز کے رپورٹر امین حفیظ کو بھی دکھایا گیا ہے۔

خیال رہے کا ’گھبرانا نہیں ہے‘ کا نام وزیراعظم عمران خان کے مشہور ڈائیلاگ سے لیا گیا ہے۔