وزیرِ اعلیٰ سندھ نے شیر شاہ دھماکے کا نوٹس لے لیا

وزیراعلیٰ سندھ سید مراد علی شاہ نے کراچی کے علاقے شیر شاہ کے قریب ہونے والے دھماکے کا نوٹس لے لیا ہے۔

وزیراعلیٰ سندھ نے کمشنر کراچی کو تفصیلی انکوائری کرنے کا حکم دیتے ہوئے کہا ہے کہ انکوائری میں پولیس کا افسر بھی شامل کیا جائے تاکہ ہر پہلو سے چھان بین ہوسکے۔

کراچی: شیرشاہ کے نالے میں دھماکا، بینک تباہ، 10 افراد جاں بحق

کراچی کے علاقے شیر شاہ میں زیرِ زمین گزرنے والے سیوریج کے بند نالے میں دھماکا ہوا ہے جس کے نتیجے میں نجی بینک کی عمارت تباہ ہوگئی جبکہ اطراف کی عمارتوں کو نقصان پہنچا ہے، واقعے میں 10 افراد جاں بحق اور متعدد زخمی ہو گئے۔

وزیراعلیٰ سندھ سید مراد علی شاہ کا دھماکے میں جانی نقصان پر گہرے دکھ کا اظہار کرتے ہوئے سیکریٹری صحت کو ہدایت جاری کی گئی ہے کہ سول اسپتال میں تمام ضروری سہولتیں فوری طور پر فراہم کی جائیں۔

وزیراعلیٰ سندھ نے انتظامیہ کو ہدایت کی ہے کہ اسپتال اور جائے وقوع پر پہنچ کر متاثرین کی ہر ممکن مدد کی جائے۔

واضح رہے کہ کراچی کے علاقے شیر شاہ میں زیرِ زمین گزرنے والے سیوریج کے بند نالے میں دھماکا ہوا ہے جس کے نتیجے میں نجی بینک کی عمارت تباہ ہوگئی ہے۔

بینک کی اطراف کی عمارتوں کو نقصان پہنچا ہے جبکہ واقعے میں 10 افراد جاں بحق اور متعدد زخمی ہو گئے ہیں۔