فرمان الہی
نماز کے اوقات
کراچی (اسٹاف رپورٹر) انٹر نیشنل ا ولمپک کمیٹی ایگزیکٹو بورڈ نے 2028 میں منعقدہ لاس اینجلس اولمپک کھیلوں میں اسکیٹ بورڈنگ، اسپورٹ کلمبنگ اورسرفنگ سمیت 28 کھیلوں کو شامل کرنے کی تجویز پیش کی ہے۔ اس میں کرکٹ شامل نہیں ہے۔آئی سی سی کے ایک اور عہدیدار کا کہنا تھا کہ کرکٹ کو میگا ایونٹ میں شامل کرانے کے لئے ان کے عزائم تبدیل نہیں ہوئے ۔ دوسری جانب آئی سی سی ذرائع کا کہنا ہے کہ کرکٹ لاس اینجلس 2028 کی ابتدائی فہرست میں شامل نہیں۔ ابتدائی فہرست صرف ان کھیلوں کے لئے ہے جن کی پہلے سے ہی بات چل رہی ہے، اضافی کھیلوں کے انتخاب کے لئے میزبان شہر کا عمل اگلے سال شروع ہو گا۔ آئی سی سی کے ڈائریکٹر نے غیر ملکی میڈیا کوانٹرویو میں کہا کہ کرکٹ کو اولمپکس میں شامل کرنے کے لیے ابھی کافی وقت ہے، ہم پریشان نہیں ہیں۔
