اسرائیل نے کورونا وائرس کے اومی کرون ویرینٹ کے پھیلاؤ پر اپنے شہریوں کے امریکا جانے پر پابندی لگادی۔
اسرائیلی وزیراعظم کے دفتر کے مطابق اسرائیلی شہری خصوصی اجازت نامے کے بغیر امریکا نہیں جاسکیں گے، امریکا جانے پر پابندی کا آغاز منگل سے ہوگا۔
اسرائیل کی وزارت صحت نے اومی کرون ویرینٹ کی روک تھام کے لیے ہفتے کو اپنی سفارشات میں اسرائیلی شہریوں کے امریکا جانے پر پابندی سمیت متعدد یورپی ملکوں کو اپنے کورونا وائرس ریڈ لسٹ میں شامل کیا ہے۔
امریکا کے سفر پر پابندی اسرائیلی وزیر اعظم نفتالی بینٹ کی حکومت کا ایک اہم قدم ہوگا، اس کی وجہ یہ ہے کہ ہزاروں اسرائیلی دہری شہریت کے حامل ہیں جبکہ دونوں ملکوں کے درمیان بہت قریبی بھی تعلقات بھی ہیں۔