-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
کورونا کی صورتحال کے باعث سوئٹزرلینڈ کے شہر ڈیوس میں منعقد ہونے والا سالانہ ورلڈ اکنامک فورم منسوخ کردیا گیا ہے۔
یہ فورم 17 سے 21 جنوری تک ’ان پرسن‘ منعقد ہونا تھا لیکن کورونا وائرس اور اس کے نئے ویرئنٹ کے باعث اب یہ ڈیوس کی بجائے آن لائن منعقد ہوگا۔
یاد رہے کہ سوئٹزرلینڈ کے سردیوں کیلئے معروف سیاحتی مقام ڈیوس میں ہرسال ورلڈ اکنامک فورم کے تحت اجلاس منعقد ہوتا تھا، جس میں دنیا بھر سے 50 سے زائد سربراہان مملکت و حکومت اور 100 سے زیادہ ارب پتی اور کاروباری افراد شریک ہوتے اور مختلف موضوعات پر گفتگو کرتے ہیں۔
ایک اخباری ذریعے کے مطابق اس فورم میں شرکت کی فیس 50 ہزار ڈالر فی آدمی ہے جبکہ ممبر شپ فیس اور پارٹنر شپ فیس 65ہزار ڈالر سے لیکر 6لاکھ 50 ہزار ڈالر تک ہوتی ہے۔
پاکستان کے موجودہ وزیر اعظم عمران خان سمیت پاکستان کے کئی لیڈرز ڈیوس میں منعقد ہونے والے اس اجلاس میں مختلف اوقات میں شرکت کرچکے ہیں۔
گزشتہ سال بھی یہ اجلاس کورونا کے باعث آن لائن منعقد ہوا تھا جبکہ اس سال بھی نئے ویرئنٹ اومی کرون کے تیز پھیلاؤ کے باعث ورلڈ اکنامک فورم شخصی موجودگی کی بجائے دوبارہ آن لائن ہی منعقد ہوگا۔
