وجیہہ کے سابق شوہر نے قتل کا اعتراف کرلیا، تفتیشی ذرائع

پاکستانی نژاد امریکی شہری وجیہہ سواتی اغواء کیس کی تحقیقات میں پیشرفت ہوئی ہے، سابق شوہر رضوان حبیب نے وجیہہ کے قتل کا اعتراف کرلیا ہے۔

تفتیشی ذرائع کے مطابق سابق شوہر رضوان حبیب نے وجیہہ کے قتل کا اعتراف پولیس تفتیش کے دوران کیا۔

راولپنڈی: امریکی خاتون وجیہہ سواتی کا اغواء، سابق شوہر گرفتار، FBI کی تفتیش

پاکستانی نژاد امریکی خاتون وجیہہ سواتی کے راولپنڈی سے اغواء ہونے کے معاملے میں اہم پیش رفت سامنے آئی ہے، واقعے کی امریکی ایف بی آئی بھی تفتیش کر رہی ہے۔

ذرائع کا کہنا ہے کہ وجیہہ کو 16 اکتوبر کو ہی قتل کردیا گیا تھا، ملزم رضوان نے وجیہہ کی لاش ہنگو میں دفن کردی تھی۔

تفتیشی ذرائع کا یہ بھی کہنا ہے کہ ملزم رضوان کے والد بھی قتل میں مدد کے الزام میں گرفتار ہیں جبکہ آر پی او راولپنڈی کی ہدایت پر پولیس ٹیم لاش برآمدگی کے لیے ہنگو روانہ ہوگئی ہے۔