• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف کی واپسی سے متعلق مجھے بہتر معلومات نہیں، محمد زبیر

سابق گورنر سندھ اور مسلم لیگ (ن) کے سینئر رہنما محمد زبیر نے کہا ہے کہ سابق وزیراعظم نواز شریف کی وطن واپسی سے متعلق مجھے بہتر معلومات نہیں ہیں۔

پی ٹی آئی رہنما ملیکہ بخاری کے ہمراہ جیونیوز کے پروگرام ’کیپٹل ٹاک‘ میں گفتگو کے دوران محمد زبیر نے کہا کہ نواز شریف جب بھی وطن واپس آئیں گے، قانونی تقاضے پورے کریں گے۔

انہوں نے کہا کہ پچھلے تین سال میں مہنگائی نالائقی اور کرپشن کی وجہ سے ہوئی، ہمارے دور میں مہنگائی کی شرح 3 فیصد تھی جو کہ اب 18 فیصد ہوگئی ہے۔

ن لیگی رہنما نے مزید کہا کہ پاکستان میں مہنگائی کی شرح دنیا میں سب سے زیادہ ہے، جس ملک سے موازنہ کریں ہمارے ہاں مہنگائی کی شرح دگنی ہے۔

اُن کا کہنا تھا کہ بالواسطہ ٹیکس بڑھنے کا مطلب ہے غریب کی جیب سے زیادہ پیسا نکلتا ہے، ہم بھی آئی ایم ایف کے پاس گئے تھے لیکن مہنگائی کو کنٹرول کیا تھا۔

محمد زبیر نے یہ بھی کہا کہ تین سال میں قرضوں میں 21 کھرب روپے کا اضافہ ہوا لیکن ایکسپورٹ میں 1 فیصد گروتھ بھی نہیں ہوئی۔

قومی خبریں سے مزید