حکومت عوام کو ماموں بنا رہی ہے: مشی خان

معروف اداکارہ و میزبان مشی خان نے کہا ہے کہ موجودہ حکومت اپنی نااہلی سے عوام کو ماموں بنارہی ہے۔

مشی خان نے ملک میں بڑھتی ہوئی مہنگائی کے پیشِ نظر مائیکرو بلاگنگ سائٹ ٹوئٹر پر اپنا ایک ویڈیو پیغام جاری کیا۔

اداکارہ نے شدید برہمی کا اظہار کرتے ہوئے کہا کہ ’موجودہ حکومت اپنی نااہلی کو چُھپانے کے لیے اپنا موازنہ دُنیا کے دیگر ممالک سے کرتی ہے۔‘

اُنہوں نے کہا کہ ’حکومت کہتی ہے کہ انگلینڈ، روس، افریقا سمیت دیگر ممالک میں بھی پیٹرول مہنگا ہوگیا ہے تو میں یہاں کہنا چاہوں گی کہ پاکستان کو موازنہ ان ممالک کے ساتھ کرنے سے پہلے، اُن کا رہن سہن دیکھیں۔‘

اداکارہ مشی خان بھائی کے انتقال پر رنجیدہ

شوبز انڈسٹری کی معروف اداکارہ مشی خان اپنے بھائی کے اچانک انتقال پر غم سے نڈھال ہیں۔

مشی خان نے کہا کہ ’ان ممالک کی تو نوکرانی بھی گاڑی میں آتی ہے جبکہ ہمارے ملک کا مینجر اپنی تنخواہ میں کس طرح اپنا مہینہ پورا کرتا ہے، یہ صرف وہ ہی جانتا ہے۔‘

اداکارہ نے کہا کہ ’حکومت پاکستان کو دیگر ممالک سے موازنہ کرنا بند کرے کیونکہ یہاں تو روٹی، کپڑا اور پانی تک حد سے زیادہ مہنگا ہوگیا ہے۔‘

اُنہوں نے کہا کہ ’موجودہ حکومت ٹی وی پر آکر ہمیں ماموں بناتی ہے اور نکل جاتی ہے۔‘

مشی خان کی حکومت پر کڑی تنقید

پاکستان کی معروف اداکارہ و میزبان  مشی خان نے ملک...

مشی خان نے مزید کہا کہ ’آپ لوگ کر کیا رہے ہیں؟ آپ کو خود نہیں معلوم کہ آپ کیا کررہے ہیں، آپ صرف ایک دوسرے پر الزامات لگا رہے ہیں جبکہ آپ نے اب تک خود کچھ نہیں کیا ہے۔‘