فیول ایڈجسٹمنٹ چارجز، کراچی کیلئے بجلی 76 پیسے سستی

اسلام آباد (نمائندہ جنگ) نیپرا نے کے الیکٹرک صارفین کیلئے بجلی 76 پیسے فی یونٹ سستی کردی، اس سلسلہ میں نیپرا نے بجلی کے نرخ میں کمی کا نوٹیفکیشن جاری کردیا۔

نوٹیفکیشن کے مطابق بجلی کی قیمت میں کمی نومبر 2021 کی فیول ایڈجسٹمنٹ کی مد میں کی گئی، کے الیکٹرک صارفین کو کمی کا ریلیف فروری 2022 کےبلوں میں ملے گا کمی کا اطلاق کے الیکٹرک کے لائف لائن صارفین پر نہیں ہوگا۔