لاہور دھماکا: جاں بحق و زخمیوں کیلئے مالی امداد کا اعلان

وزیراعلیٰ پنجاب عثمان بزدار نے لاہور دھماکے میں جاں بحق اور زخمی ہونے والوں کے لیے مالی امداد کا اعلان کیا ہے۔

لاہور دھماکے کی ابتدائی تحقیقاتی رپورٹ پیش کردی گئی

ابتدائی رپورٹ میں کہا گیا ہے کہ دھماکے میں 29 افراد زخمی اور 2 جاں بحق ہوئے، جاں بحق افراد میں رمضان اورابصار شامل ہیں۔

لاہور سے جاری بیان میں وزیراعلیٰ پنجاب نے لاہور کے علاقے انارکلی دھماکے میں جاں بحق افراد کےاہل خانہ کےلیے فی کس 10 لاکھ روپے امداد کا اعلان کیا ہے۔

دھماکے میں شدید زخمی ہونے والوں کے لیے 5 لاکھ روپے فی کس اور معمولی زخمیوں کے لیے فی کس 1 لاکھ روپے امداد کا اعلان کیا ہے۔

واضح رہے کہ لاہور کے معروف لوہاری گیٹ کے علاقے میں دکانوں کے قریب بم دھماکے میں 3 افراد جاں بحق جبکہ متعدد افراد زخمی ہو گئے تھے۔