دعا منگی کیس: حکومت سندھ نے ٹرائل جیل میں چلانے کا نوٹیفکیشن جاری کردیا

محکمہ داخلہ سندھ نے دعا منگی کیس کا ٹرائل میں جیل میں چلانے کا نوٹیفکیشن جاری کردیا ہے۔

صوبائی حکومت کے مطابق دعا منگی کیس کے ملزمان میں زوہیب قریشی، فیاض سولنگی اور دیگر شامل ہیں۔

نوٹیفکیشن میں کہا گیا کہ دعا منگی کیس کے ملزمان کا ٹرائل سینٹرل جیل میں واقع عدالتوں میں ہوگا۔

دعا منگی کیس، مفرور ملزم کی گرفتاری کیلئے بڑے اقدامات

دعا منگی اغواء برائے تاوان کیس کا ملزم زوہیب قریشی گزشتہ دنوں پولیس کی حراست سے فرار ہو گیا

صوبائی حکومت نے نوٹیفکیشن رجسٹرار سندھ ہائیکورٹ اور رجسٹرار انسداد دہشت گردی عدالت (اے ٹی سی) کو ارسال کردیا ہے۔

نوٹیفکیشن میں کہا گیا کہ ملزم زوہیب قریشی اور فیاض سولنگی پر 4،4 مقدمات درج ہیں۔

دعا منگی کیس کا ملزم زوہیب قریشی 28 جنوری کو سٹی کورٹ سے واپسی پر فرار ہوگیا تھا۔

کراچی پولیس نے دعا منگی کیس کے مفرور ملزم کی تلاش میں گلشن حدید کے ایک گھر پر چھاپا مارا ہے۔

دعا منگی کیس کے مرکزی ملزم کے فرار ہونے کا معاملہ، آن لائن ٹیکسی ڈرائیور زیرحراست

دعا منگی اغوا برائے تاوان کیس کے مرکزی ملزم زوہیب قریشی کے اکثر زیر استعمال رہنے والی آن لائن ٹیکسی کے ڈرائیور کو پولیس نے حراست میں لے لیا ہے۔ فرار کے روز بھی ملزم اسی آن لائن ٹیکسی میں عدالت اور پھر شاپنگ مال تک گیا۔

پولیس ذرائع کے مطابق گھر پر چھاپے میں 3 افراد کو گرفتار کیا گیا، جنہیں نامعلوم مقام پر منتقل کردیا گیا ہے۔

دعا منگی کو نومبر 2019ء میں کراچی سے اغوا کیا گیا تھا جبکہ ملزمان کو جنوری 2021ء میں سزا سنائی گئی تھی۔