احسن بھون نے وزیراعظم کو مخالف نقطہ نظر سننے اور برداشت کرنے کا مشورہ دیدیا

سپریم کورٹ بار کے صدر احسن بھون نے کہا ہے کہ وزیراعظم یہ سمجھتے ہیں کہ مخالف سیاسی کھلاڑیوں کے ہاتھ پاؤں باندھ کر صرف انہیں کھلی چھٹی دے دی جائے۔

جیو نیوز کے پروگرام کیپٹل ٹاک میں گفتگو کے دوران احسن بھون نے کہا کہ عمران خان کو نواز شریف اور جہانگیر ترین سے خطرہ ہو سکتا ہے، لیکن ان کی درخواست ایک آئینی شق کی تشریح کے لیے ہے۔

انہوں نے مزید کہا کہ وزیر اعظم سے گزارش ہے کہ مخالف نقطہ نظر سننے اور برداشت کرنے کی عادت ڈالیں، سیاست کرکٹ کا میدان نہیں ہے۔

رجسٹرار کے اعتراضات پر احسن بھون کا ردعمل

صدر سپریم کورٹ بار ایسوسی ایشن احسن بھون نے رجسٹر ار عدالت عظمیٰ کے تاحیات نااہلی درخواست پر ا عتراضات پر ردعمل دے دیا ہے۔

صدر سپریم کورٹ بار نے یہ بھی کہا کہ سپریم کورٹ بار 30 دن میں رجسٹرار کے اعتراضات دور کرکے دوبارہ درخواست دے گی۔