عمر امین گنڈا پورکی نا اہلی کا حکم کالعدم

اسلام آباد ہائی کورٹ نے بکا خیل اور ڈی آئی خان میں پی ٹی آئی امیدواروں کی نااہلی کے خلاف درخواستوں پر محفوظ کیا گیا فیصلہ سنا دیا۔

اسلام آباد ہائی کورٹ کے چیف جسٹس اطہر من اللّٰہ نے سماعت کرتے ہوئے پی ٹی آئی امیدواروں کی نااہلی کے خلاف درخواستوں کو جزوی طور پر منظور کر لیا۔

عدالتِ عالیہ نے الیکشن کمیشن کی جانب سے عمر امین گنڈا پورکی نا اہلی کا حکم کالعدم قرار دے دیا اور انہیں ڈیرہ اسماعیل خان سے میئر کا الیکشن لڑنے کے لیے اہل قرار دے دیا۔

اسلام آباد ہائی کورٹ نے علی امین گنڈا پور کے خلاف الیکشن کمیشن کا فیصلہ برقرار رکھا ہے۔

بکا خیل میں بلدیاتی انتخابات ملتوی کرنے کی PTI کی درخواست، فیصلہ محفوظ

الیکشن کمیشن آف پاکستان نے بکا خیل میں بلدیاتی انتخابات ملتوی کرنے کی پی ٹی آئی کی درخواست پر سماعت کرتے ہوئے فیصلہ محفوظ کر لیا۔

عدالتِ عالیہ نے اپنے فیصلے میں صوبائی وزیر خیبر پختون خوا شاہ محمد کی نااہلی کو کالعدم قرار ددے دیا۔

اسلام آباد ہائی کورٹ نے بکا خیل سے پی ٹی آئی امیدوار مامون الرشید کی نااہلی برقرار رکھی ہے۔

اس سے قبل اسلام آباد ہائی کورٹ نے بکا خیل اور ڈی آئی خان میں پی ٹی آئی امیدواروں کی نااہلی کے خلاف درخواستوں پر فیصلہ محفوظ کیا تھا۔

پی ٹی آئی کے مامون الرشید نے عدالتِ عالیہ میں تحصیل چیئرمین کا الیکشن لڑنے سے روکنے کا آرڈر بھی چیلنج کر رکھا تھا۔

دورانِ سماعت چیف جسٹس اطہر من اللّٰہ نے کہا کہ جب اتنی سنگین خلاف ورزی ہو گی تو پھر تو پوری سیاسی جماعت ذمے دار ہو گی، اتنی خلاف ورزی کہ ایک وزیر بیلٹ باکس ہی اٹھا کر لے جائے۔

عمر امین گنڈا پور کی نااہلی کا حکم معطل

اسلام آباد ہائی کورٹ نے الیکشن کمیشن آف پاکستان کا پی ٹی آئی رہنما عمر امین گنڈا پور کو نااہل کرنے کا حکم معطل کر دیا۔

درخواست گزار کے وکیل نے کہا کہ مخالف امیدوار کی جانب سے الزامات لگائے گئے، ہائی پاور انکوائری کمیٹی بنی جس نے اپنی فائنڈنگز دیں، اسسٹنٹ پریزائیڈنگ افسر نے اپنی جگہ کسی اور کو بٹھا دیا اور کہا کہ آدھے پیسے لے لینا۔

چیف جسٹس نے استفسار کیا کہ الیکشن کمیشن کا آرڈر دکھا دیں کہ وہ اس بارے میں کیا کہتا ہے؟ اس کورٹ کی اپروچ ہے کہ الیکشن کے معاملات میں مداخلت نہ کی جائے، یہ اپیل نہیں ہے، بتا دیں کہ یہ عدالت رٹ کے دائرہ اختیار میں کس حد تک جا سکتی ہے؟

وکیل احسن بھون ایڈووکیٹ نے بتایا کہ الیکشن کمیشن نے شاہ محمد کو 5 سال کے لیے پبلک آفس ہولڈ کرنے کے لیے نا اہل قرار دیا ہے، بکا خیل میں تحصیل چیئرمین کا الیکشن لڑنے والے مامون الرشید کو فوجداری کارروائی مکمل ہونے تک الیکشن لڑنے سے روکا گیا ہے، اسسٹنٹ پریزائیڈنگ آفیسر نے اپنی جگہ کوئی اور بندہ بٹھا رکھا تھا۔

بکا خیل میں امن و امان کی صورتحال خراب، پولنگ ملتوی

بنوں کی تحصیل بکا خیل میں امن و امان کی خراب صورتِ حال کی وجہ سے بلدیاتی انتخابات کے لیے پولنگ ملتوی کر دی گئی، نئی تاریخ کا اعلان بعد میں کیا جائے گا۔

احسن بھون ایڈووکیٹ نے بتایا کہ محبت خان نامی شخص نے اپنی جگہ قدرت اللّٰہ کو بٹھایا ہوا تھا، انکوائری میں محبت خان کے خلاف کرپٹ پریکٹس کی کارروائی کا بھی کہا گیا، اب وہی محبت خان جو موجود نہیں تھا ہمارے خلاف شکایت کرتا ہے، محبت خان دراصل مخالف پارٹی جے یو آئی کا کارکن ہے۔

چیف جسٹس نے کہا کہ بیلٹ باکس اٹھانے کے الزامات معمولی نہیں ہیں، عدالت جو بھی آرڈر کرے گی وہ عدالتی نظیر بنے گا، الیکشن کمیشن کو تو مزید مضبوط اور با اختیار کرنا چاہیے۔

درخواست گزار کے وکیل احسن بھون ایڈووکیٹ نے بتایا کہ یہ افغانستان کے ساتھ کا علاقہ ہے، وہاں جن لوگوں کا اثر ہے ان کا نام کوئی بھی نہیں لیتا، یہ جگہ بالکل بارڈر پر ہے، وہاں جے یو آئی کا پلڑا بھاری ہے، جو کچھ وہاں الیکشن میں ہوا یہ لوکل لوگوں کا کام نہیں ہے۔

انہوں نے اپنے دلائل میں یہ بھی کہا کہ بارڈر کی دوسری جانب سے بندے کون لایا، اس کا نام کوئی نہیں لیتا، نہ حکومت ان کا نام لے رہی ہے، نہ ہی یہ لوگ لیتے ہیں، اتوار کو الیکشن ہے، الیکشن کمیشن کو چاہیے کہ امن و امان میں شفاف انتخابات کرائے، انتخابات میں تمام امیدواروں کو الیکشن لڑنے کا موقع دیا جائے۔