آئی جی پنجاب نے 9 ایس ایس پیز، 20 ڈی ایس پیز کے تبادلے کردیے

آئی جی پنجاب راؤ سردار علی خان نے 9 ایس ایس پیز اور 20 ڈی ایس پیز کے تبادلے کردیے۔

29 اعلیٰ پولیس افسران کے تبادلوں کا نوٹیفکیشن بھی جاری کردیا گیا ہے۔

نوٹیفکیشن کے مطابق اسد سرفراز کو ایس ایس پی آپریشنز سی ٹی ڈی، کامران نواز کو ایس ایس پی سی ٹی ڈی تعینات کیا ہے۔

نوٹیفکیشن کے مطابق عمر طفیل ایس ایس پی انویسٹی گیشن اور محمد شریف ایس پی پٹرولنگ ہائی ویز تعینات کیے گئے ہیں۔

نوٹیفکیشن کے مطابق حیدر علی ایس پی کوہسار ڈویژن مری، دانیال احمد ایس پی لائلپور ٹاؤن فیصل آباد تعینات کیے گئے۔

آئی جی پنجاب کے نوٹیفکیشن کے مطابق بلال عمر ایس پی ٹریننگ سہالہ کالج، احسن سیف اللّٰہ ایس پی ٹیکنیکل تعینات کیے گئے ہیں۔