فرحان اختر نے شیبانی سے دوسری شادی کرلی

بالی ووڈ اداکار و پروڈیوسر  فرحان اختر نے گرل فرینڈ شیبانی ڈانڈیکر سے شادی کرلی۔

بھارتی میڈیا رپورٹس کے مطابق  فرحان اختر نے اپنی زندگی کے اس بڑے دن کالے کورٹ پینٹ کا انتخاب کیا جبکہ دلہن شیبانی نے لال عروسی جوڑا زیب تن کیا۔

فرحان اختر کو دھوپ سے بچنے کے لیے چشمے لگائے بھی دیکھا جاسکتا ہے۔

فرحان اختر اور شیبانی ڈانڈیکر نے اپنی شادی کو نہایت ہی سادہ رکھتے ہوئے قریبی عزیز و اقارب کے سامنے ساری زندگی ایک دوسرے کا ساتھ نبھانے کی قسمیں کھائیں۔

فرحان اور شیبانی نے الگ الگ قسمیں لکھیں جو انہوں نے آج تمام مہمانوں کی موجودگی میں پڑھ کر سنائیں۔

فرحان اختر اور شیبانی ڈانڈیکر نے نہ نکاح کیا اور نہ ہی مراٹھی طرز کی شادی کے تحت کوئی رسم ادا کی، کہا جارہا ہے کہ جوڑے نے ایک دوسرے کے مذہبی پس منظر اور عقائد کو اپنے خاص دن سے دور رکھنے کے لیے روایتی شادی نہ کرنے کا انتخاب کیا۔

بھارتی میڈیا رپورٹس کے مطابق فرحان اختر اور شیبانی ڈانڈیکر کی شادی کی تقریب کا انعقاد جاوید اختر اور شبانہ اعظمی کے کھنڈالہ میں واقع فارم ہاؤس میں کیا گیا ہے۔

شادی کی تقریب میں شرکت کے لیے رہتیک روشن، راکیش روشن ، امرتا اروڑا، ریا چکرورتی، انوشا ڈانڈیکر فارم ہاؤس پہنچے تھے۔

یاد رہے کہ فرحان اختر اور شیبانی ڈانڈیکر نکاح کریں گے نہ مراٹھی شادی کے تحت کوئی رسم ادا کی جائے گی۔

کہا جارہا ہے کہ جوڑے نے ایک دوسرے کے مذہبی پس منظر اور عقائد کو اپنے خاص دن سے دور رکھنے کے لیے روایتی شادی نہ کرنے کا انتخاب کیا ہے۔

فرحان اختر اور شیبانی کا تعلق کیسے منظرِ عام پر آیا تھا؟

یہ سال 2018 کی بات ہے کہ جب ایک ٹی وی پریزینٹر اور میزبان شیبانی ڈانڈیکر نے ایک شخص کا ہاتھ تھامے تصویر شیئر کی جس میں ان کے ساتھ موجود شخص کا چہرہ کیمرے کی جانب نہیں تھا۔

خیال رہے کہ فرحان اختر نے ہیئر اسٹائلسٹ ادھونا سے سال 2000 میں شادی کی تھی تاہم نامعلوم وجوہات کی بناء پر جوڑے نے شادی کے 17 سالہ ازدواجی تعلق کو 2017 میں ختم کردیا تھا۔

فرحان اختر اور ادھونا کی دو بیٹیاں بھی ہیں۔