• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، ہنگامی لینڈنگ کرنیوالا طیارہ روک لیا گیا، متبادل طیارہ مسافر لینے آگیا

افضل ندیم ڈوگر
تازہ ترین
قومی خبریں
21 مارچ ، 2022


سول ایوی ایشن حکام نے کراچی میں ہنگامی لینڈنگ کرنے والے قطر ایئر ویز کے طیارے کو ایئرپورٹ پر روک لیا ہے جبکہ مسافروں کو لے جانے کیلئے  متبادل طیارہ کراچی ایئرپورٹ پہنچ گیا ہے۔

قطر ایئر ویز کی پرواز کیو آر 579 کے ایئر بس طیارے کے کارگو ہولڈ میں اسموک کی اطلاع پر کراچی اتارا گیا، متبادل طیارہ 2 بجے متاثرہ پرواز کے طیارے کے مسافروں کو لے کر دوحا روانہ ہوگا۔

دوسری جانب کراچی میں ہنگامی لینڈنگ کرنے والے قطر ایئر ویز کی ایئر بس اے 350 طیارے کی فنی خرابی دور نہیں ہو سکی ہے جس کے سبب اسے روک لیا گیا ہے۔

دوحا سے ایئر لائن کی ٹیکنیکل ٹیم طیارے میں کراچی روانہ کی جا رہی ہے۔

کراچی میں پھنسے 295 بھارتی مسافروں کو دوسرے طیارے میں منزل تک پہنچایا جائے گا۔

آگ لگنے کا سگنل، دہلی سے دوحا جانیوالی پرواز کی کراچی ایئرپورٹ پر ہنگامی لینڈنگ

بھارتی دارالحکومت دہلی سے دوحا کے لیے جانے والی پرواز میں آگ لگنے کے سگنل موصول ہونے پر طیارے کو ہنگامی طور پر کراچی اتار لیا گیا۔

دہلی سے دوحا کے مسافر کراچی ایئرپورٹ کے ٹرانزٹ لاونج میں روانگی کے منتظر ہیں۔

واضح رہے کہ بھارتی دارالحکومت دہلی سے دوحا کے لیے جانے والی پرواز میں آگ لگنے کے سگنل موصول ہونے پر طیارے کو ہنگامی طور پر کراچی اتار لیا گیا۔

قطر ایئر ویز کے طیارے کی ہنگامی لینڈنگ کی وجہ سے دیگر پروازوں کو تاخیر کا سامنا کرنا پڑ رہا ہے۔

295 مسافروں کو لے کر دہلی سے دوحا کی قطر ایئر ویز کی پرواز کیو آر 579 کراچی کے قریب تھی کہ پائلٹ کو طیارے میں آگ لگنے کے سگنل موصول ہوئے اور طیارے میں مسافروں نے ہلکہ دھواں محسوس کیا۔

ایوی ایشن ذرائع کے مطابق پائلٹ نے طیارے کا رخ کراچی کی طرف موڑ دیا اور 150 ایئر بس طیارے کو ہنگامی طور پر کراچی اتار لیا گیا۔

ایوی ایشن ذرائع کے مطابق ہنگامی صورتحال کی وجہ سے کراچی پہنچنے والی پروازوں کی لینڈنگ میں تاخیر ہوئی۔

دوحا سے کراچی کی قطر ایئر ویز کی پرواز 610 فضا میں چکر کاٹتی رہی جبکہ ایئر لنکا کی پرواز یو ایل 183 کو بھی کراچی لینڈنگ کے لیے انتظار کرنا پڑا۔

قومی خبریں سے مزید