• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سعید غنی کی ایم کیو ایم کو سندھ حکومت میں شامل کرنے کی خواہش

تازہ ترین
قومی خبریں
25 مارچ ، 2022
سعید غنی کی ایم کیو ایم کو سندھ حکومت میں شامل کرنے کی خواہش

سندھ کے صوبائی وزیر سعید غنی نے ایم کیو ایم کو سندھ حکومت میں شامل کرنے کی خواہش ظاہر کردی۔

جیو نیوز کے پروگرام آج شاہ زیب خانزادہ کے ساتھ میں گفتگو کرتے ہوئے انہوں نے کہا کہ ایم کیو ایم سندھ حکومت کا حصہ بنے گی تو اس سے معاہدے پر عمل درآمد میں آسانی ہوگی۔

انہوں نے کہا کہ ابھی تک ایم کیو ایم کو سندھ حکومت میں شامل ہونے کی پیش کش نہ پیپلز پارٹی نے کی نہ انھوں نے مطالبہ کیا۔

صوبائی وزیر کا کہنا تھا کہ اس بات کا امکان صفر فی صد ہے کہ پیپلزپارٹی اور ایم کیو ایم کا معاملہ طے نہیں پائے گا، ایم کیو ایم سے تحریری معاہدہ ایک آدھ دن میں ہو جائے گا۔

سعید غنی نے یہ بھی کہا کہ ڈومیسائل اور کوٹا سسٹم پر عمل درآمد سے متعلق ایم کیو ایم کے مطالبات صوبے کی بہتری کے لیے ہیں۔

قومی خبریں سے مزید